जापानी सरकारले त्यसबेलै महिलालाई सिंहासनमा चढाउन अनुमति दिने कानुन बदलिएला कि भन्नेबारे बहस सुरु गरेको थियो।

पाँच वर्षपछि सम्राट् नारुहितोका भाइले एक बालक जन्माए र तिनै राजकुमार हिसाहितोले उत्तराधिकारीको सङ्कट टारे।

तर तत्कालीन युवराज्ञी मासाकोमाथि दबाब परेको प्रस्ट हुन्थ्यो किनभने उनी एक दशकभन्दा बढी समयदेखि सार्वजनिक कार्यक्रममा अनुपस्थित रहने गरेकी थिइन्।

सन् २००४ मा त्यस बेलाका युवराज नारुहितोले पत्रकारहरूलाई असामान्य रूपमा कडा प्रतिक्रिया दिँदै उनकी पत्नीले महलको जीवन अपनाउने कोसिसमा आफैँलाई निकै थकाएकी बताएका थिए।

त्यस बेला दरबारले मासाको “एडजस्टमेन्ट डिसअर्डर”बाट पीडित भएको बतायो जसलाई व्यापक रूपमा मानसिक अवसादको सन्दर्भ ठानिएको थियो।

टेबलोइड कभरेज

हालका वर्षमा सिंहासनमाथिका पहिलो अधिकार राख्ने राजकुमार हिसाहितोका परिवारबारे जापानी टेबलोइडले असाध्यै धेरै समाचार छाप्ने गरेको छ।

उनकी दिदी पूर्वराजकुमारी माकोले आम नागरिक केइ कोमुरोसँग बिहे गरेर शाही परिवार छोडिन् र अमेरिकामा बसिरहेकी छन्।

कोमुरो र उनकी आमाबीच एक कथित धन विवादको चर्चा पनि चलेको थियो।

विवादमा आमा र छोराले उक्त ऋण चुकाउन विफल रहेको दाबी गरिएको सन्दर्भले उनीहरूको विवाहलाई खतरामा पारेको ठानिएको थियो।

किनभने त्यो सन्दर्भले यो जोडीका बारेमा सार्वजनिक धारणा खराब बनेको थियो।

कोमुरोले न्यूयोर्कमा बारको परीक्षा तेस्रो प्रयत्नमा उत्तीर्ण नगरेसम्म त्यसलाई जापानमा ब्रेकिङ न्यूजका रूपमा छापिएको थियो।

अकीशिनो परिवारबारे टेबलोइडले समाचारहरू छापिरहँदा स्थानीय मिडियामा अक्सर राजकुमारीहरूबारे तुलना हुने गरेको देखिन्छ।

राजकुमारी आइकोसँग सन् २०२२ मा उनको काकाका छोरी माकोको सन् २०२२ को बिहेबारे सोधिएको थियो।

जसबारे उनको जवाफ थियो: “मेरा लागि विवाह अहिले धेरै परको कुरा हो। मैले त्यसबारे सोचेकै छैन। मैले चाहने मान्छे कस्तो भन्नेबारे खासै विचार छैन तर साथसाथ मुस्काउन सक्ने (क्षमता) भएमा भने त्यो ठिक हुनेछ।”